Ebu Sa’yd El-Hudrydan (Allah ondan razy bolsun) rowaýat edilmegine görä, ol şeýle diýdi: “(Bir gezek) Pygamberimiz sallallahu aleýhi wesellemiň ýanyna aýallar gelip: “(Ýa Resulallah!) Erkekler bize Siziň bilen görüşmäge mümkinçilik berenoklar. Şonuň üçin biz aýallara hem bir gün belleseňiz” diýip haýyş etdiler. Pygamberimiz sallallahu aleýhi wesellem olar üçin bir güni wada berdi. Şol gün olar bilen duşuşyp, olara wagyz-nesihatlar edip, olara (käbir) zatlary emr etdi. Aýdan zatlarynyň içinde şu sözler hem bardy: “Araňyzda üç çagasy ölen aýal bar bolsa, ölen çagalary, onuň üçin dowzahdan bir perde bolar”. Bir aýal “Ikisi (ölen bolsa) näme?” diýip sorady. Ol “Ikisi (ölenem) bolsa!” diýip jogap berdi”.
