Ebu Seleme (Allah ondan razy bolsun) şeýle diýipdir: “(Bir gezek) men Aişaniň dogany bilen bilelikde Aişanyň (Allah ondan razy bolsun) ýanyna girdim. (Dogany Aişadan) Pygamberimiz sallallahu aleýhi wesellemiň gusul edişi hakynda sorady. Ol, takmynan, bir sa’ mukdary (suwly) gap getirmeklerini sorady. Soňra şol suw bilen suwa düşdi we (galan suwy) kellesinden akytdy. Şol wagt biziň bilen onuň arasynda bir perde bardy”.
"Ebu Ishakdan habar berilmegine görä, ol şeýle diýipdir: “Ebu Ja’faryň gürrüň bermegine görä, (bir gün) ol kakasynyň ýanyndady we onuň ýanynda başga-da birtopar adam bardy. Olar (kakamdan) gusul hakynda soradylar. Ol “Bir sa’ suw ýeter!” diýdi. Şonda bir adam “Maňa ýetenok” diýdi. Jäbir oňa “(Bu mukdardaky suw) senden has gür saçly we senden has gowy bir adama-da ýetýärdi” diýdi.
Soňra ol ymamyň ýerine geçip (bir) eşikde, bize ymam bolup berdi”.
"
Ibn Abbas (Allah ondan razy bolsun) şeýle habar beripdir: “Pygamberimiz sallallahu aleýhi wesellem we Meýmuna (enemiz) bile bir gapdan suwa düşer ekenler”.
Jubeýr ibn Mut’ymdan (Allah ondan razy bolsun) habar berilmegine görä, (bir gezek) Pygamberimiz sallallahu aleýhi wesellem şeýle diýdi: “Emma men-ä, kellämden üç gezek suw akdyrýaryn” diýip, iki eli bilen (nädip suw akdyryşyny) görkezdi”.
Jäbir ibn Abdulladan habar berilmegine görä, ol şeýle diýipdir: “Adatça, Pygamberimiz sallallahu aleýhi wesellem (gusul edende), kellesinden üç (owuç suw) akdyrardy”.
Ebu Ja’far şeýle diýipdir: “(Bir gezek) Jäbir (ibn Abdulla) maňa şeýle diýdi: “Pylan kakaň ogly meniň ýanyma gelip, özüni El-Hasan ibn Muhammed ibn El-Hanafiýýa diýip tanatdy we (menden) “Jenabatdan nädip gusul etmeli?” diýip sorady. Men oňa: “Adatça, Pygamberimiz sallallahu aleýhi wesellem gusul edende, üç owuç (suw) alyp, kellesinden akdyrardy. Soňra bedeniniň galan ýerlerinden akdyrardy” diýdim. Şonda Hasan maňa “Men gür saçly adam!” diýdi. Men “Pygamberimiz sallallahu aleýhi wesellemiň saçlary seniňkiden has beter gürdi!” diýdim.
Ibni Abbasdan habar berilmegine görä, ol şeýle diýipdir: “Meýmuna (enemiz) şeýle diýdi: “(Bir gezek men) Pygamberimiz sallallahu aleýhi weselleme gusul etmek üçin suw taýynlap goýdum. Ol iki ýa üç gezek ellerini ýuwdy, soň çep tarapyndan suw akydyp, uýat ýerlerini ýuwdy, soň bolsa elini ýere sürtdi. Soňra agzyny we burnuny ýuwup, ondan soň ýüzüni, ellerini ýuwdy. Soň bedenine (suw) akytdy, soň bolsa duran ýerinden başga ýere geçip, aýaklaryny ýuwdy”.
Aişadan (Allah ondan razy bolsun) habar berilmegine görä, ol şeýle diýipdir: “Pygamberimiz sallallahu aleýhi wesellem jenabatdan soň gusul edip (ýuwunjak) bolanda, hilaba meňzeş bir gap getirilmegini islärdi. Soňra eli bilen suw alyp, kellesiniň sag tarapyndan ýuwup başlardy. Soňra çep tarapyna geçerdi. Soň bolsa iki eli bilen suw alyp, kellesiniň ortasyndan akydardy”.
Ibni Abbasdan habar berilmegine görä, ol şeýle diýipdir: “(Pygamberimiz sallallahu aleýhi wesellemiň aýaly) Meýmuna (enemiz) (Allah ondan razy bolsun) bize şeýle gürrüň berdi: “(Bir gezek men) Pygamberimiz sallallahu aleýhi weselleme gusul eden wagty, suw akydyp berdim. Ol iliki sag eli bilen çep eline suw akydyp, ellerini ýuwdy. Soň uýat ýerlerini ýuwdy. Soň elini ýere urup, elini toprak bilen süpürdi, soňra elini (täzeden) ýuwdy. Soňra agzyny we burnuny ýuwup, ondan soň ýüzüni ýuwdy. Soň kellesinden (suw) akytdy. Soňra bolsa bir gyra çekilip, aýaklaryny ýuwdy. Soňra oňa süpüriner ýaly bir mata getirdiler, ýöne Ol oňa süpürinmedi”.
Ibni Abbasyň Meýmuna (enemizden) habar bermegine görä, ol şeýle diýipdir: “Pygamberimiz sallallahu aleýhi wesellem gusul edende, (ilki) eli bilen uýat ýerlerini ýuwdy. Soňra elini haýata sürtdi. Ondan soň bolsa (elini täzeden) ýuwdy. Soňra edil namaza täret alyşy ýaly, täret aldy. Gusul edip bolandan soň, aýaklaryny ýuwdy”.
