"Mu’minleriň enesi Aişadan (Allah ondan razy bolsun) rowaýat edilmegine görä, ol şele diýdi: “(Bir gün) men: “Ýa Resulallah! Biz (zenanlar) hem seniň bilen uruşlara, jihäde gatnaşsak bolmaýarmy?” diýdim. Pygamberimiz sallallahu aleýhi wesellem: “(Ýok), ýöne (siziň üçin) jihädiň iň gowusy we owadany haj etmekdir, bir kemsiz ýerine ýetirilen, hajj-mebrurdyr” diýdi”.
Aişa: “Men muny Resulullah sallallahu aleýhi wesellemden eşidenimden bäri hajy sypdyrmadym” diýdi."
"Ibn Abbasdan (Allah olardan razy bolsun) rowaýat edilmegine görä, Pygamberimiz sallallahu aleýhi wesellem: “Ýanynda mähremi bolmadyk hiç bir aýal sapara çykmasyn! Mähremi bolmadyk aýalyň ýanyna hiç bir erkek kişä girmek bolýan däldir” diýdi.
Muny eşiden sahabalardan biri: “Ýa Resulallah! Men pylan söweşe gatnaşmakçy bolýaryn, aýalym bolsa haj etmek isleýär?” diýdi. Pygamberimiz sallallahu aleýhi wesellem ol adama: “Aýalyň bilen bile git!” diýdi”. "
Ibn Abbasdan (Allah olardan razy bolsun) rowaýat edilmegine görä, ol şeýle diýdi: “Pygamberimiz sallallahu aleýhi wesellem hajdan gaýdyp gelenden soň, Ummu Sinan Ensaryýýa (diýilýän bir aýaldan): “Saňa biziň bilen haja gitmäge näme päsgel berdi?” diýip sorady. Ol aýal: “Pylany, diýip öz adamsyny göz öňüne tutup; Onuň diňe iki sany düýesi bardy. Birini haja münüp gitdi, beýlekisi bolsa, biziň ýerimizi suwarýar” diýdi. Pygamberimiz sallallahu aleýhi wesellem oňa: (“Remezan aýynda umra et!) Çünki, Remezanda edilen umra, meniň bilen bile edilen hajyň sogabyna barabardyr” diýdi.
"Habar berilmegine görä, Pygamberimiz sallallahu aleýhi wesellem bilen on iki sany söweşe gatnaşan, Ebu Sa’yd El-Hudry (Allah ondan razy bolsun) şeýle diýipdir: “Men Pygamberimiz sallallahu aleýhi wesellemden dört zat eşitdim (ýa-da Pygamberimiz sallallahu aleýhi wesellemiň aýdan (şu dört zady) dykgatymy çekip, meni haýrana galdyrdy we men olary örän haladym” diýdi.
(Pygamberimiz sallallahu aleýhi wesellemiň aýdan şol dört zady): “Ýanynda adamsy ýa-da nika düşmeýän ýakyn garyndaşy bolmadyk hiç bir zenan maşgala iki günlik ýola sapara çykmasyn; Remezan we Gurban baýram günlerinde agyz beklemek bolýan däldir. Iki namazdan soň namaz okamak bolýan däldir; Ikindi namazyndan soň tä gün ýaşýança we ertir namazyndan soň hem tä gün dogýança. (Ýörite ybadat etmek, namaz okamak üçin) üç mesjitden başga hiç bir ýere sapar edilmez; Mesjidul-Haram, meniň mesjidim we Aksa mesjidi”."
Enesden (Allah ondan razy bolsun) rowaýat edilmegine görä, Pygamberimiz sallallahu aleýhi wesellem iki oglunyň arasynda, olara ýapyşyp ýöräp barýan bir garry adamy gördi we “Muňa näme bolýar?” diýdi. (Ogullary): “Ol ýöremäge nezr etdi” diýdiler. Pygamberimiz sallallahu aleýhi wesellem: “Allah Tagala bu adamyň özüni gynamagyna mätäç däldir” diýdi we oňa ulagyna münmegi emr etdi.
‘Ukba ibn ‘Amyrdan rowaýat edilmegine görä, ol şeýle diýipdir: “(Bir wagtlar) aýal doganym pyýada Allahyň Öýüne (Käbä) gitmäge nezr etdi we meden bu hakda Pygamberimiz sallallahu aleýhi wesellemden sorap bermegimi isledi. Men hem ondan (bu hakda) soradym, ol: “Goý, ýörsin, (ýadasa ulagyna-da) münsin!” diýdi.
Enesden (Allah ondan razy bolsun) rowaýat edilmegine görä, Pygamberimiz sallallahu aleýhi wesellem şeýle diýipdir: “Medine şu ýerden şu ýere çenli haramdyr. Şol ýeriň agaçlaryny kesmek we günä, bidgat işleri etmek gadagandyr. Kimde-kim şol ýerlerde günä, bidgat işleri etse, oňa Allahyň, perişdeleriň we ähli adamlaryň näleti bolar”.
"Enesden (Allah ondan razy bolsun) rowaýat edilmegine görä, ol şeýle diýipdir: “Pygamberimiz sallallahu aleýhi wesellem Medinä gelip, mesjid gurmagy emr etdi. (Munuň üçin hem Benu Nejjar ogullaryna): “Eý, Benu Nejjar ogullary, maňa bu ýeriň bahasyny aýdyň!” diýdi. Olar hem: “Ýok, biz munuň bahasyny (senden) islemeýäris, biz ony diňe Allahdan isleýäris!” diýdiler.
Pygamberimiz sallallahu aleýhi wesellemiň buýrugy bilen şol ýerlerden müşrikleriň gabyrlary göçürildi, (büdür-südür nätekiz) haraba ýerler tekizlendi, hurma agaçlary bolsa kesilip, olary diwar hökmünde (guruljak) mesjidiň kybla tarapynda hatara düzülip goýuldy”."
"Ebu Hureýreden (Allah ondan razy bolsun) rowaýat edilmegine görä, Pygamberimiz sallallahu aleýhi wesellem şeýle diýipdir: “Medinäniň iki gara daşly meýdanynyň arasyndaky araçäk, meniň dilimiň üsti bilen haram (mukaddes ýer) diýlip yglan edildi”.
Ýene-de Ebu Hureýre (Allah ondan razy bolsun) şeýle diýdi: “Pygamberimiz sallallahu aleýhi wesellem Benu Harisa taýpasynyň ýanyna gelip, olara: “Eý Benu Harisa ogullary! Men siziň haramyň çäginden çykandygyňyzy görýärin” diýdi. Soňra-da yzyna garap: “Ýok, siz haramyň içinde ekeniňiz!” diýdi."
"Alydan (Allah ondan razy bolsun) rowaýat edilmegine görä, ol şeýle diýipdir: “Bizde Allahyň kitabyndan we Pygamberimiz sallallahu aleýhi wesellemiň şu sahypalardaky (ýazdyran) zadyndan başga hiç zat ýok: “Medine ‘Air (dagyndan) şu ýere çenli haramdyr. Kimde-kim şol ýerde bir günä, bidgat iş etse ýa-da bir bidgatça gaçybatalga ýer berse, oňa Allahyň, perişdeleriň we ähli adamlaryň näleti bolar. Ondan hiç bir parz ýa-da nepil kabul edilmez.
Musulmanlar tarapyndan berilýän amanlyk (hemmeler üçin) birdir. Kim bir musulmanyň beren (amanlygyny) ähdini bozsa, oňa Allahyň, perişdeleriň we ähli adamlaryň näleti bolar. Ondan hiç bir parz ýa-da nepil kabul edilmez.
(Gulçulykdan azat edilen) haýsydyr bir adam, ony azat eden hojaýynlaryndan birugsat başga bir kowumy hojaýyn edinse, oňa-da Allahyň, perişdeleriň we ähli adamlaryň näleti bolar. Ondan hem hiç bir parz ýa-da nepil kabul edilmez”."
” •Namazda, orazada we başga ybadatlardaky nepil ybadatlar göz öňüne tutulýar. Arapçada bu söz “adl” diýip gelýär. Buhary bu söze fidýe diýip hem düşündiripdir.
•Ýagny bir musulman bir kapyra beren amanlygy, howpsuzlygy ähli musulmanlar üçin ygtybarlydyr.”
