"Hişäm (ibn ‘Urwa ibn Az-Zubeýr) kakasyndan rowaýat etmegine görä, Aişa (Allah ondan razy bolsun) şeýle diýipdir: “Zul-Hijja (Gurban) aýynyň başynda (Medineden haç zyýaratyny etmek üçin Mekgä tarap) ýola düşdük. Resulullah sallallahu aleýhi wesellem “Umra hajyny etmek üçin ihrama girmek isleýänler muny, (ýagny Umra hajy üçin telbiýe aýdyp) yglan etsin. Eger-de Menem, ýanym bilen gurbanlyk mallaryny almadyk bolsadym, hökman şeýle ederdim!” diýdi. (Ondan soň), olaryň käbiri “Umra” etmek niýeti bilen, käbirleri bolsa “Haç” etmek niýeti bilen “telbiýe” aýdyp başladylar. Menem “Umra” hajyny etmek üçin niýet edip, telbiýe aýdanlardan biridim. Arafa güni hem meniň aýbaşym dowam edýärdi. Men muny Pygamberimiz sallallahu aleýhi weselleme duýdurdym. Ol maňa “Umrany goý-da, saçyňy çözüp, daran we (parz) Hajy üçin ihrama girip, telbiýe aýdyp başla!” diýdi. Men muny (Onuň diýşi ýaly) etdim. Haçan-da, “Hasba” (diýilýän ýerde) galan gijämiz, (Allahyň Resuly) erkek doganym Abdurrahman ibn Ebu Bekri meniň ýanyma goşup goýberdi. Men ozalky Umra hajy edip başlan ýerim bolan “Tan’yma” gidip, Umra hajyny etmek üçin (şol ýerden täzeden ihram baglap) telbiýe aýdyp başladym. Hişam şeýle diýdi: “Munuň üçin (keffarat hökmünde) ne gurbanlyk kesmek, ne agyz beklemek, ne-de sadaka bermek hökman däldir”. "