"Habar berilmegine görä, Pygamberimiz sallallahu aleýhi wesellem bilen on iki sany söweşe gatnaşan, Ebu Sa’yd El-Hudry (Allah ondan razy bolsun): “Men Pygamberimiz sallallahu aleýhi wesellemden dört zat eşitdim we men şolary haladym” diýdi. Pygamberimiz sallallahu aleýhi wesellem şeýle diýdi: “Hiç bir aýal maşgala, adamsy ýa-da (nika düşmeýän) ýakyn garyndaşy ýanynda bolmasa, iki günlik ýola sapara çykmasyn! Şu iki günde, ýagny Remezan baýramy bilen Gurban baýramynda agyz beklemek bolýan däldir. Ertir namazyndan soň, tä gün dogýança we ikindi namazyndan soň tä, gün ýaşýança, namaz okamak bolýan däldir hem-de (ybadat etmek, namaz okamak üçin) üç mesjitden başga hiç bir ýere sapara gidilmez: Mesjidul-Haram, Aksa mesjidi we meniň şu mesjidim ”."