"Humrandan habar bermegine görä, ol şeýle diýipdir: “(Bir gezek) men Osman ibn ‘Affanyň (Allah ondan razy bolsun) täret alyşyny gördüm; Ol (ilki bilen) üç gezek ellerine suw akdyrdy. Soňra agzyny çaýkady we burnuna suw alyp sümgürip arassalady. Soňra ýüzüni üç gezek ýuwdy, soňra üç gezek sag elini tirseklerine çenli ýuwdy, soňra üç gezek çep elini tirseklerine çenli ýuwdy. Soňra-da kellesine mesh etdi. Soňra sag aýagyny üç gezek, çep aýagyny hem üç gezek ýuwdy.
Soňra (Osman ibn ‘Affan): “Men Pygamberimiz sallallahu aleýhi wesellemiň meniň şu täret alyşym ýaly täret alyşyny gördüm” diýdi. Soňra Pygamberimiz sallallahu aleýhi wesellem ýene-de şeýle diýdi: “Kimde-kim meniň şu täret alyşym ýaly täret alsa, soňra içini gürletmän (ýagny namazdan başga hiç bir zadyň pikirini etmän) iki rekagat namaz okasa, Allah onuň geçen günälerini bagyşlar.”"
