"Ibn Abbasdan (Allah olardan razy bolsun) rowaýat edilmegine görä, Pygamberimiz sallallahu aleýhi wesellem Mekge feth edilen güni şeýle diýdi: “Indi, mundan soň, hijret etmek ýokdur. Emma jihäd we niýet bardyr. Egerde siz jihäde çagyrylsaňyz , onda, derrew olara goşulyň! Elbetde, Allah bu (Mekge) şäherini, asmanlary we ýeri ýaradan güni, haram (mukaddes) etdi. Bu şäher Allahyň haram edenligi sebäpli, Kyýamat gününe çenli haramdyr. Ol ýerde söweş etmek menden öň hiç kime halal edilmedi. Meniň üçin hem gündiziň diňe belli bir wagty halal edildi. Ol şäher Allahyň haram edenligi sebäpli, Kyýamat gününe çenli haramdyr. Ol ýeriň (Mekgäniň) hat-da, dikeni hem ýolunmaz, ýabany aw haýwanlary ürküzilmez, ýitirilen zady eýesine gowşurmak niýeti bolmasa ony ýerden galdyrmak hem gadagandyr, otlaryny hem kesmek bolýan däldir”.
Şol wagt Abbas (Allah ondan razy bolsyn): “Ýa Resulallah! Demirçi ussalaryň we öýleriniň (üstüni ýapmak üçin) ulanýan “Izhir” otundan başgasy (gadagan) bolaýsyn?” diýdi. Pygamberimiz sallallahu aleýhi wesellem hem: “Izhirden başgasy” diýdi"
