"Ka‘b ibn ‘Ujradan (Allah ondan razy bolsun) rowaýat edilmegine görä, ol şeýle diýipdir: “Pygamberimiz sallallahu aleýhi wesellem Hudeýbiýýede meniň kellämden bitleriň dökülip durandygyny görüp, meniň ýanymda durdy we ol maňa: “Bitleriň saňa ezýet berýärmi?” diýdi. Men hem: “Hawa” diýdim. Pygamberimiz sallallahu aleýhi wesellem: “Kelläňi syr (ýa-da ýöne syr!)” diýdi.
Ka‘b ýene-de: “Sizden kim hassa bolsa, ýa-da kellesinde bir ezýet berýän (ýarasy) bar bolsa, onda (ol) oraza tutup ýa-da sadaka berip, ýa-da gurbanlyk çalyp, fidýe (töleg) bermelidir” {Bakara:196} diýen aýat men hakda inen aýatdyr diýdi”.
Pygamberimiz sallallahu aleýhi wesellem maňa şeýle diýdi: “Üç günläp agyz bekle, ýa-da bir farak sadakany alty adama paýlap ber, ýa-da güýjüň ýetäýjek bir mal öldür!” diýdi."
