"Usamete ibn Zeýdden (Allah ondan razy bolsun) habar berilmegine görä, ol şeýle diýipdir: “Arafatdan gaýdyşyn men Pygamberimiz sallallahu aleýhi wesellemiň düýesiniň yzynda oturyp geldim. Haçanda, Pygamberimiz sallallahu aleýhi wesellem Muzdelifäň bärisindäki ýoluň çep tarapyndaky jülgä ýetende, düýesini çökertdi we düşüp buşugyp geldi. Men oňa suw akytdym, ol ýeňilräk edip täret aldy. Men: “Ýa Resulallah, namaz okajakmy?” diýip soradym. Ol: “Namaz (entek) öňüňde” diýip jogap berdi.
Soňra düýesine münüp, Muzdelifä geldi we şol ýerde namazyny okady. Ertesi irden bolsa, Resulullah sallallahu aleýhi wesellemiň düýesiniň yzyna Fadl ibn Abbas münüp gaýtdy”."
