Ibn Abbasdan (Allah olardan razy bolsun) rowaýat edilmegine görä, ol şeýle diýipdir: “Resulullah sallallahu aleýhi wesellem (Mekge feth edilen güni) Mekgä gelende, Käbäň içine girmekden ýüz öwürdi. Çünki onuň içinde butlar bardy. Soňra onuň buýrugy bilen daşary çykaryldy. Şeýle hem ol ýerden, ellerinde pal atylýan oklaryny saklap duran Ibrahymyň we Ismaýylyň heýkellerini hem çykardylar. Pygamberimiz sallallahu aleýhi wesellem şeýle diýdi: “Allah olary heläk etsin! Olar, ol ikisiniň hiç wagt pal atmak bilen meşgul bolmadyklaryny gaty gowy bilýärdiler!” Soňra Pygamberimiz sallallahu aleýhi wesellem Käbä girdi we onuň her tarapynda tekbir getirdi, ýöne onuň içinde namaz okamady”.
