"Ebu Hureýreden (Allah ondan razy bolsyn) rowaýat edilmegine görä, Pygamberimiz sallallahu aleýhi wesellem şeýle diýdi: “Kyýamat güni, Allahyň beren baýlygyndan zekadyny bermedik kişiniň maly, gözlerinde iki sany gara tegmilli we zäherli erkek bir ýylan bolup geler. Soňra onuň boýnunyň daşyndan saralyp, onuň iki çenesinden (äňinden) dişläp: “Men seniň mal-baýlygyň, men seniň hazynaňdyryn” diýer.
Soňra (Pygamberimiz sallallahu aleýhi wesellem) şu aýaty okady: “Allahyň Öz fazly-kereminden beren zatlaryny (haýyr-sahawat etmekde) gysgançlyk edenler, muny özleri üçin haýyr diýip hasaplamasynlar. Tersine, bu olar üçin şerdir. Gysgançlyk edip (bermedik zatlary) kyýamat güni olaryň boýunlaryna saralar. Asmanlaryň we ýeriň (ähli) mirasy Allahyňkydyr. Allah siziň edýän işleriňizden habardardyr”. {Äli-Ymran:180}."
