"Ebu Hureýreden (Allah ondan razy bolsyn) rowaýat edilmegine görä, Pygamberimiz sallallahu aleýhi wesellem şeýle diýdi: “Kyýamat güni haky berilmedik düýeler eýesiniň ýanyna iň güýçli we semiz hallarynda gelip, aýaklary bilen ony depeläp başlarlar. Haky berilmedik goýunlar hem eýesiniň ýanyna iň güýçli we semiz hallarynda gelip, toýnaklary bilen ony depeläp, şahlary bilen süsüp başlarlar”.
Pygamberimiz sallallahu aleýhi wesellem şeýle diýdi: “Şeýle hem olar suw içmäne gelenlerinde, süýtlerinden sagyp (garyplara bermek) onuň haklaryndan biridir”.
Pygamberimiz sallallahu aleýhi wesellem ýene-de şeýle diýdi: “Siziň hiç biriňiz Kyýamat güni (haky, zekady berilmedik) goýunyny mäledip egninde göterip, (meniň ýanyma kömek sorap): “Eý Muhammed!” diýip, gelmesin! Men şonda: “Seniň üçin hiç zat edip bilemok, men size (Allahyň ü) ýetiripdim!” diýip jogap bererin.
Siziň hiç biriňiz (haky, zekady berilmedik) düýesini bagyrdyp egninde göterip, (meniň ýanyma kömek sorap): “Eý Muhammed!” diýip, gelmesin! Şonda men oňa-da: “Seniň üçin hiç zat edip bilemok, men size (Allahyň hökümini) ýetiripdim!” diýip jogap bererin”."
