"Enesden (Allah ondan razy bolsun) rowaýat edilmegine görä, ol şeýle diýipdir: “Bir gün Pygamberimiz sallallahu aleýhi wesellem Mu’az bilen bile bir düýede gidip barýarkalar, Pygamberimiz sallallahu aleýhi wesellem Mu’aza ýüzlenip: -Eý Mu’az ibn Jebel! diýdi. Ol: -Lepbeý, Ýa Resulallah! Men siziň hyzmatyňyzda! diýip aýtdy. Pygamberimiz sallallahu aleýhi wesellem ýene-de: -Eý Mu’az! diýip ýüzlendi. Ol ýene-de: -Lepbeý, Ýa Resulallah! Men siziň hyzmatyňyzda! diýip, üç gezek gaýtalandan soň, Pygamberimiz sallallahu aleýhi wesellem oňa: -Kimde-kim, Allahdan başga hiç bir hudaý ýok, Muhammed hem Onuň guly we Pygamberi” diýip, çyn ýürekden şaýatlyk getirse, Allah ony dowzah oduna haram eder, diýdi. Mu’az: -Ýa Resulallah! Bu buşlugy adamlara habar berip, olary hem begendireýinmi!? diýip sorady. Pygamberimiz sallallahu aleýhi wesellem: -Eger sen muny olara habar berseň, olar arkaýynlaşyp, amal etmän galarlar, diýdi. Mu’az (ibn Jebel) öljek wagty, bu (habary) gizläni üçin günä bolar öýdüp gorkdy we aýdyp berdi”."