"Abdulla (ibn Mesu’ddan) (Allah ondan razy bolsun) rowaýat edilmegine görä, ol şeýle diýipdir: “(Bir gezek) men Pygamberimiz sallallahu aleýhi wesellem bilen bile ýöräp barýardym. Ol şonda hurma agajynyň gury şahasyndan bir taýaga daýanyp (ýöreýärdi.) Medinäniň harabalyklaryndan geçip barýarkak, bir topar ýewreýlere gabat geldik. Olar biri-birlerine “Ondan ruh hakda soraň” diýdiler. Käbirleri bolsa “Ondan hiç zat soramaň, (belki-de Ol) siziň halamaýan bir zadyňyzy aýdar” diýdiler. Ýene bir topary bolsa “Biz hökman Ondan sorarys” diýdiler.
Şondan soň olardan biri ýerinden turup: “Eý Ebul-Kasym, ruh näme?” diýen soragy berdi. (Pygamberimiz sallallahu aleýhi wesellem) gürlemän, dymyp durdy. Men öz-özüme “Oňa wahy gelýändir” diýdim-de, ýerimden turdum. Haçan-da wahy gelip gutarandan soň, Ol şu aýaty okady: “Senden ruh hakda soraýarlar. Aýt: Ruh Perwerdigärimiň emrindedir (bilýän işlerindendir). Size ylymdan diňe az bir (paý) berildi” {Isra:85}."
