"Ebu Mes’ud El-Ensarydan rowaýat edilmegine görä, ol şeýle diýipdir: “Pygamberimiz sallallahu aleýhi wesellemiň ýanyna bir adam gelip: “Ýa Resulallah! Pylany namazy uzak okaýandygy sebäpli, men (käwagtlar) namaza (wagtynda) gelip bilemok” diýdi. Şonda Pygamberimiz sallallahu aleýhi wesellem “Eý adamlar! Araňyzda adamlary (namazdan we ybadatdan) gaçyryp, (olara ýigrenç döredýänleriňiz) bar. Kim namazda adamlara ymam bolsa, namazyny ýeňil okasyn, çünki yzynda duran adamlaryň içinde ýarawsyzlar, ejizler we işli-derti bolan adamlar bardyr” diýdi. (Hadysy rowaýat eden Ebu Mes’ud El-Ensary): “Men hiç haçan (Pygamberimiz sallallahu aleýhi wesellemiň) wagyz-nesihat edip duran wagtlary, şol gündäki ýaly gaharlanan wagtyny görmändim” diýdi. "