"Jäbir ibn Abdulladan (Allah ondan razy bolsun) habar berilmegine görä, ol şeýle diýipdir: “Pygamberimiz sallallahu aleýhi wesellem Remezan baýramy gününde ýerinden turup, namaz okady. Ondan soňra adamlara hutba okady. Ýagny ilki namaz bilen başlady. Soňra hutba okady. Hutba okap bolandan soň, (duran ýerinden) aşak düşdi we zenanlaryň ýanyna geldi. Bilalyň eline daýanyp, zenanlara wagyz etdi. Bilal donuny açyp goýdy, zenanlar bolsa onuň içine sadakalaryny atyp başladylar”.
(Bu hadysy rowaýat eden Ibn Jureýj) men ‘Atadan: “Olar pitre sadakasyny berdilermi?” diýip soradym. Ol: “Ýok, şol wagt olaryň şeýle beren sadakalarydy. Bir aýal ýüzügini zyňdy, onuň yzyndan galan aýallar hem zyňyp başladylar.” diýdi. Men (ýene-de ‘Atadan): “Ymam aýallaryň ýanyna baryp, olara wagyz-nesihatlar edip, olara ýatladyp durmaga borçlumy” diýip soradym. Ol: “Elbetde, bu olaryň borjudyr. (Ýöne) näme üçindir olar muny etmeýärler?” diýdi.
"
