"El-Baradan (Allah ondan razy bolsun) rowaýat edilmegine görä, ol şeýle diýipdir: “Pygamberimiz sallallahu aleýhi wesellem Gurban baýramy güni “Bakyga” gitdi we iki rekagat namaz okady, soňra ýüzüni bize tarap öwürip şeýle diýdi: “Şu gün biziň ilkinji etmeli ybadatymyz, namazdyr . Soňra öýlerimize gaýdyp gurbanlyk mallarymyzy kesmelidiris. Kim şeýle etse, biziň sünnetimize laýyk iş etdigidir. Kimde-kim namaz okamazdan öň gurbanlygyny kesse, bu diňe howlugyp maşgalasyna hödür-kerem etdigi bir zat bolup, onuň gurbanlyk bilen hiç hili baglanşygy ýokdur ”.
Şol wagt bir adam ýerinden turup: “Ýa Resulallah! Men gurbanlygymy namazdan öň kesipdirin, ýöne meniň bir çebişim bar, ol hatda ýaşyna ýeten geçiden hem gowy!” diýdi. (Allahyň Resuly) oňa: “Kesäý şony, ýöne bu senden soň hiç kime dogry bolmaz!” diýdi.
"
