"Ziýad ibn ‘Ylaka şeýle diýipdir: “Men Jerir ibn Abdullanyň şeýle diýenini eşitdim: “Al-Mugyra ibn Şu’ba ölen güni, (Jerir ibn Abdulla) ýerinden turup, Allaha hamdu-sena edenden soňra, (adamlara ýüzlenip) şeýle diýdi: “Size tä (täze) emir gelýänçä, şärigi bolmadyk Ýeke-täk Allahyň Özüne takwalyk etmegiňiz, salyhatly bolup, asudalygy saklamagyňyz gerekdir, çünki elbetde, ol häzir bu ýere geler!”. Soňra ol şeýle diýdi: “Emiriňiz üçin (Allahdan) bagyşlanmaklygyny diläň, çünki ol bagyşlamagy gowy görerdi”. Soňra ol ýene-de şeýle diýdi: “Men Pygamberimiz sallallahu aleýhi wesellemiň ýanyna baryp “Yslam dinine wepaly boljakdygyma beýgat (kasam içip äht) edýärin” diýdim. Ol şonda maňa “Her bir musulmana nesihat etjekdigim barada (söz berdirip) şert goýdy. Men munuň üçin hem beýgat etdim. Şu mesjidiň, Robbuna kasam bolsun, men size (çyn ýürekden) nesihat edýändirin!” diýdi. Soňra ol istigfar edip, (Allahdan bagyşlanmagyny diläp, münberden) düşdi”."