"Enes ibn Mälik El-Ensarydan (Allah ondan razy bolsun) rowaýat edilmegine görä, ol şeýle diýipdir: “Bir gezek Resulullah sallallahu aleýhi wesellem ata mündi (we ýykylyp), sag tarapyny sypjyrtdy”.
Enes ibn Mälik (Allah ondan razy bolsun) şeýle diýdi: “Şol gün Pygamberimiz sallallahu aleýhi wesellem namazlardan haýsam bolsa birini oturyp okady. Biz hem Onuň yzynda durup, namazymyzy oturyp okadyk. Soňra egnine salam berip şeýle diýdi: “Elbetde, ymam diňe oňa uýmak üçin bellenýändir. Eger (ymam) dik durup namaz okasa, siz hem dik durup namaz okaň. Eger (ymam) rukuga egilse, siz hem egliň, başyny galdyranda, siz hem galdyryň. Sejde etse siz hem sejde ediň. “Sämi’allahu limän hämidäh” diýen wagty siz: “Robbänä wä läkäl-hämd” diýiň”.
"
