"‘Ubaýdulla ibn ‘Adyý ibn Hyýardan rowaýat edilmegine görä, ol Osman ibn ‘Affanyň (Allah ondan razy bolsun) gabaw (tussag) astynda wagty, onuň ýanyna gelip: “Elbetde, halkyň umumy ymamy sensiň. Biz seniň başyňa gelenleri-de görüp durys. Bize bir pitneçi ymam namaz okadýar. Biz hem (günä etmekden gorkup) ondan gaça durýarys. (Muňa näme diýersiň?)” diýdi. Osman ibn ‘Affan oňa: “Namaz adamlaryň edip biljek iň gowy işidir. Eger adamlar bir gowy iş etseler, sen hem şol işe goşul. Eger erbet bir iş etseler, sen olaryň erbet işlerinden gaça dur!” diýdi. Az-Zubeýdiniň gürrüň bermegine görä, Az-Zuhri şeýle diýipdir: “Biz, hökman etmeli bolup duran bir zerurlyk bolmasa, aýala meňzejek bolýan erkek adamyň (ýagny muhannesiň) yzynda namaz okamagy dogry hasaplamaýarys”. "