"Al-Ahnaf ibn Kaýsdan rowaýat edilmegine görä, ol şeýle diýipdir:
“(Bir gün) men şu adama kömek etmek üçin ýola düşdim. Ýolda Ebu Bekre duşdum, ol menden “Nirä barýarsyň?” diýip sorady. Men:
–Bu adama kömek edesim gelýär, diýdim.
Ol maňa şeýle diýdi:
–Yzyňa gaýt, çünki men Pygamberimiz sallallahu aleýhi wesellemiň şeýle diýenini eşitdim: “Iki musulman (biri-birlerini öldürmek niýeti bilen) gylyçlaşsalar, öldürenem, ölenem dowzahdadyr” diýdi.
Men Pygamberimiz sallallahu aleýhi wesellemden “Eý, Allahyň Resuly! Öldüreniň ýagdaýy belli, emma öleniň günäsi näme?” diýip soradym. Pygamberimiz sallallahu aleýhi wesellem “Sebäbi ol hem ýoldaşyny öldürmäge höweslidi” diýip jogap berdi”."
