"Sähl ibn Sa’d (Allah ondan razy bolsun) şeýle diýipdir: “(Bir gün) Pygamberimiz sallallahu aleýhi wesellem Fatymanyň öýüne geldi, ýöne öýde Alyny görmedi. (Şonda ol) “Pylan kakaň ogly nirede?” diýip sorady. (Fatyma) oňa “Aramyzda bir zat boldy (dawa etdik), ol maňa gahary gelip, öýlän meniň bilen ýatman çykyp gitdi” diýdi. Pygamberimiz sallallahu aleýhi wesellem bir adama “Bar gör, nirede ol?” diýdi. (Birnäçe wagtdan soň), ol adam gelip “Eý, Allahyň Resuly, ol mesjitde ýatyr” diýdi. Soňra Resulullah sallallahu aleýhi wesellem onuň ýanyna bardy. (Pygamberimiz sallallahu aleýhi wesellem) Alynyň egnindäki dony gaçyp, özi hem tozana bulaşyp ýatandygyny gördi. Resulullah sallallahu aleýhi wesellem oňa “Eý, Ebu Turab tur! Eý, Ebu Turab tur!” diýip, onuň üstünden tozanlaryny kakyp başlady”. "